Streektaallied
Speciaal voor het Streektaaldictee is het Streektaallied in het leven geroepen. Klik hier voor de video >
Onze taal
refrein
Zo zegge wi-j dat, zo schrieve wi-j dat
’t is neet um ’t aeven
zo zegge wi-j dat, zo schrieve wi-j dat
zörg dat ow taal blif laeven
a’j onze taal bewaren wilt
praot ‘m dan vri-j en bli-j
a’j onze taal good schrieven wilt
nem dan ’t WALD d’r bi-j
dee sprökke, dat sprekken zilver is
dén is al eeuwen old
en dat ’t altied better kan
want zwiegen dat is gold
maor ’t zol onmundig jammer waen
as niemand nog zol praoten
wi-j onze taal zonder een woord
dood achter ons zollen laoten…
nee, liever niet, nee, liever niet!!
refrein
een keerl, een keerl, een woord, een woord
met ’t woord is alles begonnen
ie-kunt-’t geleuven of neet, ’t maakt neet uut
of ’t woor is of verzonnen
elk beest zien eigen taaltje
elk veugelke(n) zien leed
a’j mekare maor wilt begriepen
dat is woor ’t um geet…
ow eigen leed, ow eigen leed!!
refrein
van hangplek tot bejoordenhuus
kom minse, doet met
want dialect, door stao’j met op
en gi-j gaot d’r met naor bed
zelfs de burgemeister
dén kump met grof geschut
´t blif op de agenda staon
totdat iedereen ´t plat prut
jao, iedereen, jao iedereen!!
tekst: Henry Wellng, Jan Ottink, Hans Beernink. Muziek: Jan Ottink
